元朗及錦田一帶是新地（16）的地頭，由九十年代發展新元朗中心、加洲花園以至YoHo系列屋苑，每逢在該區開賣樓盤，均成為新界樓價的指標。新地賣樓技術一流，正所謂睇形勢造價，高峰期YoHo Hub可以造到＄2萬一呎的「破頂價」，到今日就造個「芊芊happy 」價。
近日推售的錦田新盤「芊御」，呎價由＄13595起，吸引唔少準買家湧到九龍站ICC睇示範單位，實情由「芊御」到九龍站，先要坐程小巴到錦上路站，坐去南昌站再轉乘才到ICC。
不過，平就有人吼！而呢個亦係新香港之下，大力發展北部都會區令供應源源不絶，「平買平賣」可以講是新界樓的出路。好似「芊御」呢個盤，地皮是新地三十幾年前收的農地，在2023年補地價，呎價＄2684；所以成本有數得計；呢個「芊芊happy價」， 新地仍有相當利潤。
除了芊御此盤外，在元朗東成里附近，新地亦有個樓盤已申請預售樓花紙，呢個同樣吊脚嘅盤，與西鐵元朗站有段距離，同樣在2023年補地價，每呎補＄2865，地盤正如火如荼在施工。估計開售呎價與芊御相若，不過這個東成里項目，鄰近凹頭蠔洲的「土地共享先導計劃」，新地亦有份響應政府參予其中，將有1862個公營房屋及1261個私人單位; 一如在錦上路站及古洞站的發展，私樓與公營房屋共冶一爐大融合。這正是新界樓的命運。
