呢個重陽節假期爆出咗一單為人津津樂道嘅新聞，就係金牌司儀鄧梓峰被揭加入世界級神秘兄弟會組織「共濟會」Freemasonry。共濟會一直以來同全球嘅政治金融體系有著緊密聯系，而香港嘅共濟會會所則設於中半山堅尼地道一號，外表豪不起眼的「雍仁會館」（Zetland Hall)。
雍仁會館的地皮，於1947年由共濟會屬英格蘭系地區總導師Charles Bernard Brown及一猶太人Edward Maurice Raymond; 以＄11.4萬購入，再於1949年雍仁會館落成後轉到The Zetland Hall Trustees名下。
在港島區教會學校成長的商界人士，對「共濟會」都甚感興趣, 因爲入會門檻極高。聽說香港共濟會成員，大多數都係專業人士：如律師、法官、會計師及則師等，較少商界人士。
由於共濟會開會儀式、規則原習舊例，所以如此神秘。有說共濟會兄弟一握手就知道對方是否自己人，他們有專屬嘅握手禮-grip；兩兄弟握手時會將手指公壓在對方食指第一節上，目的就是要認清對方是否共濟會兄弟。
位於堅尼地道1號雍仁會館，每當有特別聚會時，就見到穿上燕尾服Tuxedo 嘅男士，乘搭巴士或小巴到來魚貫入內，外人看上去更添神秘感。
其實共濟會係慈善組織，在英國倫敦總壇更開放予公眾，在美國不少醫院更由共濟會出錢起。而香港的共濟會亦財來自有方，單從半山堅尼地道這塊地，就知共濟會內成員甚有商業頭腦。
呢幅位於堅尼地道嘅三角地，地契年期為75年到1986年到期，香港共濟會總部須與政府傾續租時，就同步與新地（16）攜手合作，利用其餘地皮發展豪宅帝景閣Royal Courts，並由死鬼水哥郭炳湘負責，將雍仁會館塊地重新切割成三份，其中三份之二地皮發展為堅尼地道3號的帝景閣，並於1989年完工。剩下三分之一就保留雍仁會館，整張地契租約再續75年至2061年，而每年地稅為＄20880。
帝景閣為中半山豪宅，往金鐘或中環都非常之方便，更可俯瞰動植物公園，是投資客之選，前新地高層都持有單位作收租。至今，帝景閣嘅地契，依然同共濟會密不可分，兩者同屬一張地契，共濟會以The Zetland Hall Trustees佔1/3，另外2/3由發展帝景閣之公司持有。從這宗地產合作之交易，就知共濟會內人士幾有商業頭腦了。
註：專欄內作者言論純屬個人意見，並不代表本網立場。
