政府於昨日終於開始派發5,000蚊電子消費券，首期2,000蚊才剛剛袋落袋，不少市民隨即透過指定支付工具領取相關款項。然而，其中一個指定支付平台Tap & Go 由昨日起開始出現不同問題，包括無法完成交易、交易失敗仍被扣錢、收不到驗證碼等。有苦主表示，先今仍未獲得退款，而打去熱線及發電子郵件都無人接聽。也有網民成功網上購物，表示呢啲真係睇彩數！
在FB Tap & Go 苦主追討群組中，不少網民留言大罵使用問題。昨日有市民上載截圖指交影失敗仍被扣數。有市民表示在畀錢時才發現無法支付，排隊又阻後面人輪，搞到場面好尷尬。大部份人也指熱線無法打通，想退款也做不到。有市民指扣多咗錢之餘，仲要扣到負錢，「我係唔係變成差政府錢？」，表示會填form向金管局投訴。
Tap & Go於今日下午回應指：「有見部份客戶未能順利使用消費券付款，我們與合作伙伴找到原因並已作出改善，讓付款功能逐步恢復正常。」惟有人指，第一次畀錢畀到好似做賊，要看彩數先知畀唔畀到。有人指眼見身邊使用「八達通」的朋友已經成功使用消費券，對選用 Tap & Go 平台深感後悔。
此外，網上昨日流傳一間在沙田的藥房向以八達通交易的顧客徵收服務費。職員已向顧客說明以八達通消費逾200元就要收取2%「銀行手續費」。八達通昨回覆，根據開戶協議，商戶只可收取貨品實際價錢，如不按協議收取額外費用，例如手續費等，八達通有權取消該商戶資格。
Source: 綜合報道
Text by FORTUNE INSIGHT
