Let’s face it，高層都係一個打工仔，都有老闆要服侍。但當你的老闆是主席，I mean董事會主席的時候，手法就要有點不同。
首先高層無得話我唔識做，其次高層無得quit。去到CE（行政總裁）這個地位，難道也像個junior一樣，提早一個月遞leave notice就乾手淨腳嗎？蔡sir都要成年先炒到啦。要應付主席，高層餘下的唯一option，就是做柒件事。
做柒件事有好多層次。最面那層，是可以將柒的根源推給其他人食。進階一點而又好彩的話，仲可以令到主席親自出手，take over成件事。
但真正調教老闆的藝術，是如何在主席衝完出嚟柒之後，繼續做柒件事，仲要做得更加柒。只要讓領導先走出第一步，高層餘下的工作就是企埋一邊，默唸願主席的國厲害，願主席的旨意奉行在外地，如同在內地一樣。這些跨國公司主席，只有親嚐失敗的滋味，才可以打消大有為的念頭，交返畀高層話事。
當公司裡的高層開始做柒件事的時候，我們有時候會pick up到訊號。例如講自己會鞭策大家開工，不再仁慈，把大家OT的責任推落老細度。又或者只係做下廢嘢，唔用陸路而去安排用船送少少貨畀個客，就大鑼大鼓向全世界宣佈這是主席應對疫情的輝煌業績。
在高層高層高高層的世界，華麗轉身很多時都是個夢，做人要夠厚黑，才有資格生存下去。也難怪有人會把高層叫膠層。因為派膠，也是高層job description的一部份。
J.
