實不相瞞，佬編晚晚睇全民造星，差啲連稿都唔記得交，好彩有梁祖堯的紅色高踭鞋，才在節目抽返個魂魄出嚟。
男人著高踭鞋，嚴格來說不算新鮮。歷史上，高踭鞋最開初的客群正正是男性。不過後來男裝講求實用性，男裝高踭鞋才慢慢末落。
但末落還末落，消失還消失。其實男裝「高踭鞋」一直到存在，經典的例子可以數The Bealtes的Chelsea Boots。而到了近年，也越來越多男裝高踭boots。
而男人著女裝高踭鞋，又是另一回事。梁祖堯著得靚唔靚？Well，佬編唔直接答，用例子答。邊個著得靚？David Bowie、張國榮。（p.s.佬訊《列佬傳》一書有講講張國榮著高踭鞋，有興趣讀者可以pm購買）
當然，人比人，比死人，下下用天王巨星比較，全世界都可以收皮。況且練馬師不用跑得快過馬，造星導師也不需要sharp過potential star，所以梁祖堯的高踭鞋，其實不必，也不應該從美感出發，而是由purpose出發。
柒到盡頭便是型，只要有足夠強的後著，本身是柒的東西，改觀後反而令人覺得更加型。深懂戲劇的梁祖堯當然也明白這個道理，所以第二天就在IG出了篇千字文，來個扭轉觀感的大反差。
坦白講，故事是感動的，但個人品味來說的話，略嫌有點太用力了。因為關鍵的elements，有高踭鞋與千字文足矣，其他如超短褲、白滑無毛腳、蹺高腳坐姿，反而有點破功。
不過做節目最緊要係有人睇，有人討論。單論這個一環扣一環的佈局與操作，已經夠梁祖堯做mvp，change my mind。
