標題搶睛奪目——「郵輪碼頭十年浩劫」。
內文不遑多讓——「一個小缺口便粉碎特區政府連月『Hello Hong Kong！』的努力，既諷刺又令人失望！」。
文章寫得好睇，唔睇到最尾都唔知道，原來如此豪情壯語的文章，竟是出自葉劉。
葉劉呢篇文大部分 points是老生常談，但由佢把口講出來，則份外有力量。尤其是啟德的持份者，心中一定默默贊同。
今時今日，整個啟德規劃幾乎完全滅亡。東九龍 CBD 規劃不了了之；誠哥長實的啟德地投標價創新低；買了啟德樓的小市民固然在樓價上輸甩褲，原本答應用作方便區內居民交通的輕軌系統，卻因為「造價過高」，興建時間遙遙無期，啟德居民，慘變 condom；至於透過郵輪碼頭刺激旅遊業，更加是杯水車薪。
買了啟德樓的人，中大伏。連想話去啟德旅遊的遊客，同樣中伏。
最近葉劉非常落力推動減股票印花稅，她成功了——因為政府承諾成立工作小組處理印花稅問題。
今次葉太針對啟德發展的豪情壯語，我相信都會換來同樣效果，就是政府應該會成立另一個工作小組去處理啟德問題。
至於幾時先會真正解決到問題？我猜，十年八載左右，差不多了。
到時我個仔，應該也出世了。
