FI專欄|泰加保險何去何從|渾水

專欄

368

聯交所從來都係一個非常人治嘅機構, 3月31號金融業將會有一個重大改變,好多傳媒都唔敢將件事放大來講。我都唔敢,只能夠私下喺訂閱產品度講。

其中一個證明聯交所人治嘅上市規則條例,就係13.24。我用泰加保險做例子去講

泰加保險案自去年初停牌至今,已超過440日。不過,近來有不少圈中人提到,說它可能快要復牌了。

一間已停牌上市公司能否復牌,取決於聯交所上市規則。以泰加保險這單 case 為例,它需要滿足上市規則 13.24條,即上市公司「必須有足夠業務和價值的資產支持營運」,才有機會跟聯交所講數。

13.24最人治嘅地方係根本冇一個客觀嘅量度標準。喺疫情期間,旅行業、飲食業全部仆直,但佢哋都唔使俾人哋強制除牌。調返轉,鍾培生家族嘅公司,就比聯交所抽秤。你唔知道聯交所個量度基準係點樣判定。

泰加保險及主要股東吳宇這一個多月來頻頻想方設法,希望儘快滿足聯交所的復牌條件。例如為公司注入新實體業務,包括吳宇向泰加捐贈一間阿聯酋保險公司 Himalayas Insurance,協助泰加擴展海外保險市場。除了這間阿聯酋保險公司外,吳宇還提供了2億港元的無抵押循環額度,並擬透過發行約40億港幣或以上債券,向包括中國、阿聯酋以及沙特阿拉伯等地的財團進行融資。

從實體業務和融資來源入手,多管齊下,目的只有一個:希望藉此說服港交所准許泰加復牌。

老實說,我個人來看,大股東的誠意算是十足了。就算在公司管治層面,我也認為聯交所批准泰加復牌,客觀效果是能完全釋放這間本在資本市場上「半癱瘓」上市公司的利得效益。

一間上市公司股份在公開市場交易,公眾股東利益非常重要。停牌一年多,對持有該公司股票的散戶小股東來說,早已成致命傷。

泰加保險雖不是一間商業銀行,但它一樣具涉及社會資本利得的公眾股東結構,一直不讓它復牌,讓股價永遠凍結於2022年1月的尷尬收市價位,最大受害者,只會是手持蟹貨的一眾小股民。

當然,不難預測,一旦泰加保險復牌,短期股價難免受挫。不過,讓泰加復牌,等於為小散戶開了一道緊急逃生門。走不走,小股民自己決定,但至少,要讓他們有得揀。如果復唔到牌,小股東就會全部輸晒。

註:專欄作者的觀點不代表本網立場。

Subscribe FORTUNE INSIGHT Telegram: 
http://bit.ly/2M63TRO

Subscribe FORTUNE INSIGHT YouTube channel:
http://bit.ly/2FgJTen

FOLLOW US